Xeylêk şaristananê Îtalya de hêrişê îşxalî yê dewleta tirke ameyî şermezarkerdene. Çalakîkeran bale ante hêrişanê îşxalî yê dewleta tirke yê vera Rojawan û Başûrê Kurdîstanî ser û waşt ke tepişteyê sîyasî bêrê veradayene. 

Çalakîyî şaristananê Bologna, Bolzano, Campobasso, Firenze, Ivrea, Livorno, Milano, Nuaro, Palermo, Parma, Regusa, Roma, Catania, Riace, Napoli, Bari, Volantinaatî de pê beşdarîya bi seyan kurdîstanij û îtalyanan ameyî kerdene.

Yilmaz Ozkanî çalakîya paytextê Îtalya Roma de qisey kerd û vat: ''Dewleta tirke pê hacetanê şerî kurdan ser o bombayan varnena, cinî û domanan qetil kena. Erdogan wazena her çîyo ke aîdê kurd û Kurdîstanî yo çin bikero.'' Ozkanî îfade kerd ke rayîrê kurdan têna xoverdayîş û yewîya neteweyî yo.

Çalakîyan de fotografê hîrê cinîyanê ke hetê dewleta tirke ra ameyî qetilkerdene, posterê Rayberê Şarê Kurdî Abdullah Ocalanî û alayê PKK, KCK, YPJ û YPGyî ameyî berzkerdene.