Îqtîdarê AKP-MHPyî dewa Hêlincê ya Kobanê de 3 cinîyê kurdî qetil kerdî. Nêrazîbîyayîşê vera qirkerdişê dewleta tirke dewam kenê.

Dîwanê Hemserekîya KCDK-E: ''Dewleta tirke seba ke erjanê kurdan çin bikera hêrişanê tewir bi tewiran kena. Dewleta tirke nika zî Kobanê de cinîyan kena hedef. Dewleta tirke çîyo ke DAÎŞ nêeşkîyo bikero, bi xo kena. Ma venga pêro şarê xo danê ke rayberîya TJK-E de tewrê çalakîyan bibo.''

Cinîyan ê Komunustan ê Şorişgêran (JKŞ): ''Bêxebera hêzan ê emperyalîstan dewleta tirke nêeşkena nê qirkerdişan bikera. Nê hêrişî heman wextî de vera pêro cinîyan ê. Ma venga pêro cinîyan danê ke wa vera nê hêrişan bivejîyê meydanan. Dewleta tirke do hesabê nê sûcan bida.''

Partîya Herêman ê Demokratîkan (DBP): ''No îqtîdar dişmenîya kurd û cinîyan keno û wazeno ke Şorişê Rojawanî yo ke rayberîya cinîyan de ame kerdene do biqeniqna. Seba ke cinîyanê kurdan cergê DAÎŞî çin kerdî û Rojhelatê Mîyanênî de şorişê ferasetî awan kerd, ewro benê hedef. ''