Hewt dewanê Amedî de terorê dewlete

Hêzanê tirkî eşt 7 dewanê Amedî ser û tewr tay 13 kesî bi derbkerdiş û îşkenceyî destbend kerdî.

Leşkeran eşt zaf dewanê pabesteyê qezeyanê Rezan, Peyaz û Çinarî yê Amedî ser. Leşkeranê tirkan sereştişanê dewan de tewr tay 13 kesî destbend kerdî.

Leşkeran serê sibayî saete 05:00 de eşt dewanê pabesteyê qezeyanê Rezan, Peyaz û Çinarî yê Amedî ser û tewr tay 13 kesî destbend kerdî. Leşkeran dewa Kirkalî ya Peyasî de Mahmut Derse, Ahmet Serse, Metîn Çetîn, Firat Çetîn û merkezê Peyasî de zî Abdulkadîr Yagar destbend kerdî. Leşkeran eşt dewa Alankozî ya Rezanî ser zî. Sereştişê dewe de hemwelatîyî Îsmet Yildiz, Hakan Yildiz destbend kerdî. Leşkeran sereşrişê Dewa Dugerî yê Rezanî de Îsmet Akar, dewa Arvalî ya Rezanî de Mehmet Akyuz, dewa Kabahidirî ya Rezanî de Keya Naîl Toprak, dewa Kiliçkaya ya Rezanî de Abdullah Çîftçî, Îbrahîm Çîftçî û dewa Çakir Tutmazî qezaya Çinarî de zî Abdulkadîr Eken û lajê ey destbend kerdî.