Xoverdayîşê ''Cengê Heftanînî'' yê vera hêrişanê dewleta tirke pê vatişê ''Tîya Heftanîn o'' rayaumûmîya kurdan û dinya de veng vet. Hîkayeya nê vatişî zî esta. Na hîkaye bîye sloganê Cengê Heftanînî. Gerîlayê HPGyî Tolhildanî erdî ra heta hasmênî her kesî rê vatêne 'Tîya Heftanîn o.'

Mabênê serranê 2015-2016î de qezaya Sûrî ya Amedî de pê xoverdayîşê xoîdarekerdişî yê 105 rojan de şerwananê Fermandar Cîyagerî wexto ke eşnawit îşxalkerî do hêriş bikerê vat 'Wa bêrê.' Bi nê hawayî xeta xo nîşan kerde.

Ciwananê Kurdîstanî pê xoverdayîşî mojna ke na xete teqez do ser bikewa. Pê vengê Tolhildanî eşkera bi ke kamyew asta xoverdayîşî do serkewtiş biaferna. 

Çunke rayîr de ke gerîla Tolhildan serê ci de bi, çewî rê neheqîye nêameyêne kerdene, erdê çewî îşxal nêbîyêne, zalimîye çinbi. Tolhildanî zaf qîmet da nê rayîrî.

Gerîla Tohildanî vatêne: ''Ez sey milîtanêko ke xo fedayê dewaya rûmetêne ya azadîye kerdo, destûr nêdana ke kes debikewo erdê mi. Nê erdî ser o gonîye rijîyaye, vîrameyî, hîkaye û darê nê erdî destûr nêdanê ke çew ci binpay bikero.''

Vengê gerîla Tolhildanî bi vengê Cengê Heftanînî. Vengê 'Tîya Heftanîn o' yê gerîla Tolhildanî resa her îşxalkero ke ameyo Heftanîn.

Gerîla Tolhildan 25ê nîsana 2020î de warê Şehîd Kendalî yê Heftanînî de 3 embazanê xo reyde hêrişê îşxalkeran kerd. Warê cengî de vera îşxalkeran şer kerd û bi şehîd.