Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî de eşkerayîyêke daye û nê pare kerdî:

Heftanîn de hîrê leşkerî ameyî kiştene

''Çarçeweya Hemleya Şorişgêre ya Cengê Heftanînî de hêzanê ma 5ê temmuze de Qilê Koordîne de vera îşxalkeran çalakîya suîqestî kerde, leşkerêk ame cezakerdene. Heman roje de çarçeweya Hemleya Şorişgêre ya Cengê Heftanînî de hêzanê KBDHyî herêma Heftanînî de 2 çalakîyê suîqestî kerdî. Nê çalakîyan de 2 leşkerî ameyî cezakerdene.

Gever de çar leşkerî ameyî kiştene, wesayîtêko zirxin ame îmhakerdene

Çerçeweya Hemleya Şorişgêre ya Şehît Bagerî û Şehîde Ronya hêzanê ma 5ê temmuze de  mabênê dewanê Bagengê û Serê Şikeftê de Geverê Colemêrgî de da îşxalkeran ro. Wesayîto zirxin ê tîpê kirpî yo ke dormeyê ci de leşkerî estbî ameyî pirodayene. Çalakîya ke yewîya dişmenî ser o adir ame varnayene de wesayît ame îmhakerdene û 4 leşkerê dişmenî ameyî cezakerdene.

Şirnex de gerîlayêko birîndar esîr kewt destê dişmenî

Ma eşkerayîya xo ya 26ê hezîrane de dabi zanayene ke Deşta Silopîya ya  Koyê Cûdîyî yê Şirnexî de  mabênê hêzanê ma û leşkeranê dişmenî de pêkewtiş vejîyayo. Pêkewişanê na herême de embazê ma Roj 8ê hezîrane de birîndar esît kewto destê dişmenî.''