HPG: Barzan û Sîdêkan de 15 leşkerî ameyî kiştene

Çalakîyanê gerîlayanê HPGyî yê ke Barzan û Sîdêkan de viraştî 15 leşkerî ameyî kiştene, 5 leşkerî zî birîndar bîyî. Zap de zî gerîlayan droneyêkê artêşa tirkî fîna.

Merkezê Çapemenî û Îrtîbatî yê HPGyî eşkerayêka nûştekîye vila kerde û da zanayene ke çalakîyanê gerîlayan ê hemverê îşxalkaran de ke Barzan û Sîdêkan de viraştîbî 15 leşkerî ameyî kiştene.

Eşkerayîya HPGyî wina ya:

“Hêzanê ma roja 7ê Teşrîna peyêne saet 12.00 de mintiqaya Qilê Xwedê ya herêma Barzanî ke kewena erdanê Başûrê Kurdistanî hemverê artêşa tirkî ya îşxalkare de çalakîyêk viraşte. Mewzî û stargehê dişmenî 3 hetanê cîyayan ra mesafeyêkê nizdî ra bi hawayêkê bitesîrî ameyî pawanayene. Çalakîye de 5 mewzîyê dişmenî ameyî îmhakerdene û goreyê tesbîtan 10 leşkerî zî ameyî kiştene.

 QILÊ LÊLÎKANÎ DE ÇALAKÎ: 4 MEWZÎYÎ AMEYÎ ÎMHAKERDENE

Heman roje de saet 15.00 de hêzanê ma ancî hemverê leşkeranê dişmenî yê ke Qilê Lêlîkan ê pabesteyê Sîdêkanî yo ke keweno erdanê Başûrê Kurdistanî mîyan de bica bîbî çalakîyêk viraşte. Na çalakîya ke mewzî û stargehê dişmenî gîrîyayî binê gulevaranêkê giranî tede 4 mewzîyî ameyî îmhakerdene, goreyê tesbîtan ra 2 leşkerî kişîyayî û 5 leşkerî zî birîndar bîyî. Çalakîye ra dima dorê saeta 18.00 de teyareyanê şerî yê artêşa tirkî ya îşxalkare raşte raşt dorê Qilê Lêlîkanî bombardûman kerd.

ÇELÊ DE GERÎLAYANÊ YJS STARÎ RA ÇALAKÎ

Roja 7ê Teşrîna peyêne saet 16.30 de hêzanê ma yê YJA STARî hemverê artêşa tirkî ya îşxalkare ke xo Qilê Şehîd Botanî yê pabesteyê Çelê ya Colemêrgî de bica kerdîbî çalakîyêk viraşte. Leşkerê ke qilî ser de bîyî bi hawayêkê bitesîrî ameyî pawanayene û 3 leşkerê dişmenî ameyî kiştene.

ZAP DE DRON AME FÎNAYENE

Roja 7ê Teşrîna peyêne dorê saeta 08.30 de dronêk ke wareyê Kela Bêdehê yê pabesteyê Zapî yê Wareyê Pawitişê Medya yo ser o perayîşê keşfî kerdêne hetê hêzanê ma ra ame fînayene.

COLEMÊRG DE PÊKEWTIŞÊ GIRANÎ VIRAZÎYAYÎ

Roja 28ê Teşrîna verêne artêşa tirkî ya îşxalkare wareyanê Gelîyê Marînos û Anîtosî yê pabesteyê Colemêrgî de operasyonêk dabi destpêkerdene, mabênê leşkeranê îşxalkaran û hêzanê ma de pêkewtişê giranî virazîyayî. Nê pêkewtişan de xeylî leşkerê dişmenî ameyî kiştene û birîndarkerdene. Pêkewtişan de embazê ma Andok Gewda, Andok Çaldiran û Çîyager Zagroso ke bi qehremanî şer kerdî resayî şehadet. Gama nasnameyê embazanê ma yê ke şehîd kewtê bêrê zelalkerdene ma do rayapêroyîye dir pare bikerê.