HPG: Gerîla Serdar Batman şehîd bi
HPGyî eşkera kerd ke gerîla Serdar Batman şehîd bîyo û vat ey heta nefesê xo yê peyênî têkoşîn kerd û tarîxê azadîye yê şarê xo de nameyê xo nuşt.
SERDAR BATMAN
Merkezê Îrtîbatî û Çapemenîye yê HPGyî eşkera kerd ke gerîla Serdar Batman şehîd bîyo û nê vatî:
''Ma embazê mîlîtanê erjîyayeyî Serdar Batmanî yo ke prosesê haziriîya zimistanî yê 2020î de şehîd bi, bi rêzdarî yad kenê û soz danê ke ma do waştişanê şehîdanê xo bîyarê ca. Ma keyeyê erjîyayeyî yê hemrayê xo Serdarî rê û heme şarê kurdî yê welatperwerî rê serweşîye wazenê.
Nasnameyê hemrayê Serdar Batmanî wina yo:
|
|
Nameyê Qodî: Serdar Batman Name û Peyname: Mehmet Çelik Cayê Bîyayîşî: Êlih Maye-Pî: Miyase - Elyas Tarîx û Cayê Şehadetî: 2020/ Amed |
Hemrayê ma Serdar keyeyêkê welatperwerî yê Êlihî de yeno dinya û hema domanîya xo ra têkoşînê azadîye şinasneno. Hemrayê ma Serdar 2014 de Vakurê Kurdîstanî ra tewrê refanê gerîlayan beno. Bado ke biney Garzan de maneno verê xo dano Herêmanê Pawitişî yê Medya û tîya perwerdeyê şervananê neweyan vîneno.
O tim semedê şîyayîşê Vakurê Krudîstanî israr keno û tewr peynî de waştişê ci yeno ca Amed de gerîlatîye keno. Hemrayê ma Serdar 2020 tewrê kerwanê şehîdan beno xo dima mîrasê zengînî yê têkoşînî verdano. Ma sey hemrayanê ci soz danê ke ma do wayîrê xeta têkoşînî bivejîyê û waştişê şehîdanê xo bîyarê ca.''
