Dima ke dewleta tirke 9ê teşrîna verêne ya 2019î de hêrişê Rojawanî kerd Almanya pare kerdbi ke ê do çekan nêroşê hukmatê Anqara. Heta Serekwezîre Merkele û hukmatê aye dabi zanayene ke dewleta tirke huqûqo mîyanneteweyî bin pay kerd û sûcê şerî kerdî. 

Labelê eşkera bi ke heta 22ê temmuza 2020î zî Almanya çekî rotî Tirkîya. Vernîyazê persî yê Partîya Çepe ser o Hukmatê Merkele cewab da û ard ziwan ke wextê vîyarteyî de bi vaya 25.9 mîlyon euroyî peymana çekan ameye tesdîqkerdene. Mîktarê vaya çekan ê na peymane peymananê bînan ra zî xeylêk zêdêr o. Hukmatê Almanya îdîa kerd ke nê çekî çekê şerî nê çekê leşkerî yê.

Wezîrê Karanê Teberî yê Almanya Heiko Maasî zî hewteyê vîyarteyî de rojnameyêkî rê îdîa kerdbi ke înan Tirkîya reyde peymanêka çekan nêkerde. 

Çimdarîyê mîyanneteweyî bi israrî vanê ke Almanya Tirkîya reyde xeylêk peymanê çekan viraştî.