Kedkarê Têkoşînê Azadîye Omer Çager Amed rê ame raştkerdene

Kedkarê Têkoşînê Azadîye yê Kurdîstanî yê 35 serran Omer Çagerî bajarê Gottingenî yê Almanya de dinyaya xo bedilnayene. Çager badê merasîmê ke Kassel de ame viraştene, semedê definkerdişî Amed rê ame raştkerdene.

Kedkarê Têkoşînê Azadîye yê Kurdîstanî  yê 35 serran Omer Çagerî bajarê Gottingenî yê Almanya de dinyaya xo bedilnayene. Çager badê merasîmê ke  Kassel de ame viraştene, semedê definkerdişî Amed rê ame raştkerdene

Omer Çagero  (Xoce Amed) Mêrdinij o ke  emrê xo dabi têkoşînê azadîye. Çager o ke 1952 de Mêrdîn de ame dinya birayê ci wextê derbeya 12ê êlule de yeno tpeiştene. Çager o ke babîyê 6 domanan o û wext şino Erebîstan û tewrê têkoşînê azadîye beno. Çager Dola Bekaa de maneno badê komployê mîyanneteweyî verê xo dano koyanê Kurdîstanî û Herêmanê Pawitişî yê Medya de maneno. Dima ke problemê nêweşîye yê ci benê giran yeno Ewropa û xebatanê xo rê tîya dewam keno. Çegero ke 4 serrî yo nêwexaneyê Gottingenî de tedawî vînano 22ê çeleyî de dinyaya xo bedilnaye.

Semedê Çegerî 23ê çeleyî de Kassel de merasîmêk ame viraştene. Tabutê Çegerî ke bi beyraqê PKKyî ameyî piştene bi merşê ''Ez şehîdim'' wexto ke kewtê salone sloganê ''Şehîdî nêmirenî''  û ''Wa biciwîyo Serek Apo'' yî bîyî berz.

Kênaya ci Enîse Şîrîn semedê tewrbîyayîşê merasîmî spas kerd û vat: ''Ma bi babîyê mi sereber ê û ma do rêça ey de layiqê ey bê.''

Bi nameyê KOMAVî Şengê Kahraman zî vat: ''Senî ke Rayber Apo vano girdkerdişê têkoşînî wayîrvejîyayîşê şehîdan o.''

Aktîvîsta TJK-E Nupele Munzur zî vat ''Hemerayê ma wezîfeyê xo bi serkewtiş ardî ca, ma zî do keda ey yê 35 serran xo vîr ra nêkerê sozê qehremananê xo yê azadîye bîyarê ca.''

Hemserekê KCDK-E Yuksel Koçî zî vat: ''O kesêko nimûne bi, şerwanêk bi ke bi felsefeyê Rayber Apoyî wezîfeyê xo ard ca.''

Hemserekê CÎKî Hafiz Turhali zî vat: ''Embaz Xoca semedê pawitişê erdê Kurdîstanî emrê xo da.''

Badê caardişê wecîbeyanê dînîyan tabut bi vilikanê sûran ameyî xemilyayene û bi sloganna ''Şehîdî nêmirenî ''Amed rê ame raştkerdene.