Îqtîdarê AKP-MHP’yî yo ke bi şuxulnayîşê tayê keyeyan vernîya bînayê HDP’yî yê  Amedî de provokasyon keno, ê ke vernîya banê partîya  înan de gêrenê heqanê xo destbend keno.

Endamê Sendîkaya Kedkaranê Buroyî (BES) Cemal Yildirimo ke rîyê Qerarnameyê Hukmê Qanûnî (KHK) wezîfeyê xo ra  ame îxraçkerdene ûher roje Cehdeyê Sakarya de çalakîya roniştişî kerdêne, çalakîya xo berde vernîya Serekîya  AKP’yî ya  Enqere. Polîsan Yildirimî rê vat "Walîtîye qedexe kerd" û o asteng kerdo. Yildirim ard ziwan ke wazeno heqê xo yê qanûnê bingeyînî bixebetno û va: "Stenbol, Edene û Amed de çalakîyê winasînî yenê viraştene. A ke şima kenî bêhuqûqîye ya." Polîsan nêverda Yildirim pankartê xo bikero a û o destbend kerd. Cemal Yildirim wexto ke ame destbendkerdene sloganê "Serkewtiş do bibo ê kedkaran.", "Ma do pê xoverdayîşî ser bikewê." eştî.