Komeleya Cigêrayîşanê Kurdî ya ke qezaya Beyoglu ya Stenbolî de ya de qeydê kursan ê Payîzê 2019'î dest pêkerd.

Çarçeweya bernameyê dersan de perwerdeyê dîyalektanê Kurmanckî, Kirmanckî û Sorankî yê Kurdkî do bêrê musnayene. Seba dîyalekta Kurmnackî asta 1,2,3, û 4'ine, seba dîyalekta Kirmanckî asta 1 û 2'yîne de û seba dîyalekta Sorankî zî asta 1'ine de kursî bêrê akerdene. Her aste 3 aşmî, zereyê hewte de 4 seatî, peynîya hewte de zî 3 seatî do dewam bika. Muracatî hema dewam kenî.

Dersanê Kurdkî Yê  Termînê Payîzî Dest Pêkerd

Hemserekê Komeleya Cigêrayîşî ya Kurdî Sipan Hacoyî îfade kerd ke sey wisar, hamnan û payîzî hîrê hebî termînî estê û vat; "Kurso ke ma nika akenê termînê payîzî yo. Dersan seba hîrê aste yê. Asta yewine de ê ke tewr Kurdkî nêzanenê, asta diyîne de ê ke eşkenê qisey bikê la nêşkenê binusê û biwanê, asta peyêne de zî ê kesanê ke pêro astî de ser kewtê perwerde vînenî. Hacoyî parbe kerd ke seba mamostatî zî perwerde danê û no perwerde zî serrêke dewam keno, dimayê perwerdeyî de zî sertîfîka danê wendekaran.

Dersanê Kurdkî Eleqedarîya Girde

Hacoyî bale ante ke qasê serranê bînan eleqayê tewrbîyayîşê kursan zêde yê û vat: ‘‘Na rewşe goreyê rewşa sîyasetî vurîyena. Zanîngehanê cîyayan ê Stenbolî de wendekarî eleqayêko pîl mojnenî Komele. Wendekarê exleb ciwan î. Serrêk de ma nêzdîya 15 mamostayî weye kenî. Ancî binê nameyê enstîtû zî 40 ra zêdêr mamostayî estî. Komele de bi hawayêkê aktîfî 15 mamostayî xebetîyenê. Ma firsend danê Kurdan û dostanê înanê ke Stenbol de ciwîyenê û wazenê Kurdkî bimusê. Ganî ê bêrê Komele, qeydê xo bivirazê û dest pê dersan bikê."