Gerîlayê HPG'yî Rûgeş Azadî bi wesîleya serrgêra 20’ine ya komploya mîyanneteweyîye  ANF’yî rê qisey kerd û destpêkê şehîdê têkoşînê azadî yê Kurdî ard vîrî.

Azadî bala ante ser ke, hêzê mîyanneteweyî wazenê komploye newe ra bikerê dewre û vat, qerarê DYA’yî yê ke vera kadroyanê rayberî yê PKK’yî  Cemîl Bayik, Mûrat Karayilan û Dûran Kalkanî dayo ci, yena na mana.

Gerîlayê HPG'yî Azadî ard ziwan ke Têgêrayîşê Azadîye yê Kurdî êdî teyna Kurdistan û Rojakewtena Mîyanêne ney, her cayê dinya de tesîrê merdiman keno û hêzê komplogerî zî wazenê verê naye bigê.

Dewamê qiseykerdişê xo de gerîla Azadî bale ante serê hêrişanê serekkomarê Tirkî Tayyîp Erdogan û Devlet Bahçelî yê ke verê destkewteyanê Kurdan ê û vat, “Hetê ra îşxalkarî û faşîzm zêdetir beno, hetê bînî ra zî xoverrodayîş vera naye gird beno.”

Gerîlayê HPG'yî Rûgeş Azadî grevê vêşanîye yo ke bi serkêşîya Leyla Guvene vera tecrîdî de amebi destpêkerdene ercna û vat, wazanê komploye newe ra bingê bigêro la grevê vêşanîye verê nê waştişî girewt. Azadî ard ziwan,  faşîzmê Erdoganî kewto tengasîye û bi çalakîyanê grevê vêşanîye peynîya faşîzmî do hîna rew bêra.