Konserê Grup Yorumî ame astengkerdene
Kesê ke waştêne tewrê konserê Grup Yorumî bibê bi şîdetî hetê polîsan ra ameyî destbendkerdene. Polîsanê ke endamê çapemenîye zî asteng kerdî, fotograf û dîmenî zî bi zorî dayî esteritene.
Vizêr Grup Yorumî waşt ke Meydanê Nawnayîşî yê Yenîkapi de konserêk bikerê la hetê polîsan ra ame astengkerdene.
Walîtîya Îstanbulî çend mengan ra nata Grupî rê seba konserî destûr nêdana. Polîsan konserî ra verî dormeyê Meydanê Yenîkapiyî girewt. Hemwelatîyê ke kewtî metro û Marmaray testê GBTyî ra derbaz bîyî.
Hemwelatîyan bi sloganê 'Grup Yorum şar o, nêno hîşkerdene' vera polîsan nêrazîbîyayîşê xo mojna.
Polîsan mudaxeleyê hemwelatîyan kerd û tewr tay 10 kesî dest bend kerdî. Buroyê Huqûqî yê Şarî da zanayene ke destbendkerdeyan ra Onurcan Bayrak, Can Bulut, Erkan Işik û Dogucan Erkmen ameyî veradayene.
