Kurdanê Evryî Nobeda Azadîye dewr girewte
Strasbourg de nizdîyê 6 serrî û nîme yo ke Çalakîya Ocalanî rê Azadîye bêmaben dewam kena. No hewte zî bajarê Evryî yê Fransa ra grûbêk ameye û çalakîye dewr girewte.
Strasbourg de nizdîyê 6 serrî û nîme yo ke Çalakîya Ocalanî rê Azadîye bêmaben dewam kena. No hewte zî bajarê Evryî yê Fransa ra grûbêk ameye û çalakîye dewr girewte.
Bajarê Strasgourgî yê Fransa de vernîya Konseyê Ewropa de, çalakîya ke seba azadîya Rayberê Şarê Kurdî Abdullah Ocalanî yena viraştene hewteyo 326. de ya.
Her hewte cîya- cîya cayanê Ewropa ra kurdî şinê nobete tepişenî. No hewte zî bajarê Evryî yê Fransa ra Xanim Ozdemîre, Dogan Çelîk û Fatma Elî nobete dewr girewtî. Hewteyo bîn reyna Fransa ra bajarê Drancyî ra yew grûbe nobete tepiştbî.
Çalakgêran vera Konseyê Ewropa (AK) Komîteya Vernîgirewtişê Îşkenceyî (CPT) û dezgehê bînî ke wayîrê vatişî yî û wezîfeyê xo nêanê ca de reaksîyon nîşan da û waşt ke wa demêko raver çîyêk bêro kerdene.
Çalakgêran Ocalanî rê girêdayeyîya xo ard ziwan û wina va: "Ti kes vengê ma nêeşnaweno la ma zaf hol zanî ke ma rayîro raşt de yê û ma xeta Rayberê xo de têkoşînê xo domnenî."