Medyaya tirkan bi serran o ke tim PKK pê îdîaya ''bazirganîya kundoxî'' sûcdar kena û tim sey ''Dest nîya kundoxê PKKyî ser'' xeberan kena. Pê dokumentan vejîya werte ke qezaya Licê ya Amedî de fermandarêk û 4 leşkerî depoyê qeraqolî de bazirganîya kundoxî kenê.

Dokumentan de yeno dîyene ke teşrîna peyêne ya 2019î de Licê de dest nîya 8 kîlo û 660 gram kundox ser. Derheqê serebûtî de Çawiş Ferhat O. û Fermandarê Qereqolê Cendirmeyan ê Licê Efser Hakan K., çawiş Osman T., û Osman T. 29ê teşrîna peyêne de ameyî tepiştene. Heman serebûtî de derheqê muxtaranê dewanê Licê Abdullah Y. û Necat Î. de tehqîqat amebi akerdene. Derheqê leşkeran û muxtarab de pê îdîaya ''bazirganîya kundoxî'' û ''zîmmetî'' dewa ameye akerdene.

Roniştişo verên ê dewa 15ê hezîrane de Amed de ame kerdene. Mehkeme di muxtarî vera dayî û bire daye ke Ferhat O., Kemal T. û Osman T. bêrê tepiştene.