Licê de madeyêk destê domanî de teqa

Licê de Yusuf Yildirako 11 serre gama ke heywanê xo çerênayêne netîceya teqayîşê madeyêkî de bi giranî birîndar bi.

Yusuf Yildirako 11 serre yo ke warê mabênê taxanê Zîyaretî û Pirikî yê Licê de gama ke heywanê xo çerênayêne  destê ci de madeyêk ke erd de dî teqa û netîce ci de bi giranî birîndar bi.

Ame zanayene ke Yildirak domanê keyeyêkê koçerî yo ke qezaya Kanîreşî ra ame Licê. Doman hetê merdimanê xo ra ame berdene bi Nêweşxaneyê Zanîngehê Dîcle û serwîsê ciewnîyayîşê giranî de yeno weşkerdene. Ame parekerdene ke rewşa weşîye ya Yildirakî giran a.