Ma do bi hêzo ke şima ra girewto ver bi serkewtişî şorê

Gerîlaya HPG’yî Tekoşîn Givara Belatî, semedê birayê xo Givara Belatî yo ke 2017 de Xakurkê de şehîd kewt nuşteyêk nuşt û va,‘‘ Ma do şima tim yad bikê, bidê ciwîyayene û bimana bikê. Ma do bi hêzo ke şima ra girewto ver bi serkewtişî şorê.

Gerîlaya HPG’yî Tekoşîn Givara Belatî, semedê birayê xo Givara Belatî yo ke 16’ê Adar a 2017’î de Xakurke de şehîd kewt, nuşteyêk nuşt û nê vatî:

 ‘‘Hemrayê mi yo zerrind Givara, nika mi waştêne ke, qelemêka xurte bişuxlnayêne. Çunke ez to rê nusena. Çekuyê ke ez do to rê binusî, ganî heme pirr bê û to bîyarî ziwan. Ez do qet xo vîra mekerî, payîz o ke bi dej û tîre  pabestişî ano ra, o demo ke bi hîs û fîkîranê biheybetî pirr bi, de mi ti nas kerdî.

Hemrayê sembolê heskerdiş û giredayîşî, Givara. Bi nameyê na hemrayîye û giredayîye ya bêpeynî, mi tim waştêne ke wisaro ke ez ci ra zaf hes kena, to rê dîyarî bikerî. Senî ke to xo mîyanê rindîyan de neqş kerdêne, to xo zerîya embazanê xo de zî neqş kerdêne. Çunke mîyanê heme rindîyan de ti bibî. Her hele û wexto ke mi pîya bi to ravêrnayo, zerîya mi de cayêkê rindî geno. No rayîro ke ma heman mucadeleyî de ci ra şinê, ti kewenê mi vîr embaz. Ma do şima tim yad bikerê, bidê ciwîyayene û bimana bikerê. Ma bi hêzo ke şima ra girewto do ver bi serkewtişî şorê. Ma do beyraqa xo koyanê Kurdistanî de têşanê.‘‘