Dimayo ke Dêra Zor ame xelesnayene, hêzanê YPG, YPJ û QSD’yî hemverê hucreyanê nimiteyan ê DAÎŞ’î de dest bi operasyonanê hemparan kerd.

QSD’yî mîyanê di rojan de hem xeylî çeteyi tepişti û hem zî cebilxane û tunelê înan dîyî.

Fermandaranê YPJ’yî ra Ronahî Heleba ke wextêko derg Heleb de şer de mende û nika Dêra Zor de hemleya pakkerdişê DAÎŞ’î yê herême ra de ca gêna, derheqê na babete de qisey kerd.

‘Ma Baxoz de Peynnîya Estbîyayîşê DAÎŞ’î yê Rojawanî Arde’

Helebe vat, “Hemleya Dêra Zorî seba ma hem zehmet a, hem zî muhîm a. Herêmêk ke zafaneyê çeteyan tewrê şerê Rojawanî bîbî, na herême de bîyî. Hemverê ma de şerêko xeylî leymin kerd. Baxoz de hem hetê cebilxaneyan ra û hem zî hetê hîrayîya wareyî ra serdestîya înan estbî. Şerê serranê peyênan de Baxoz de binawanîya xo awan kerdebî. Înan Baxoz de dest pêkerd, labelê ma Baxoz de peynîya estbîyayîşê DAÎŞ’î yê Rojawanî arde. YPG, YPJ û QSD’yî Baxoz de xoverdayîşêko pîl ramot. Hemleye hewna nêqedîyaya, zîhnîyetê çeteyan hewna nimite yo, xo sey sivîlan ramojnenê. Mesela herdîşe û porê xo taştê, cilê sivîlî dayê xora, bi nê hawayî plan kenê ke zihnîyetê xo yê leyminî reyna vila bikerê. Wazenê ke hemverê YPG, YPJ û QSD’yî de xo newe ra organize bikerê. Bêguman na yewe do bica nêro, hêzê înan Baxoz de bin kewt. Hêzê ma bi ser kewtî û resayî amacê xo. Baxoz de bica bî, kewtî meterîsan û moralêko pîl nê ra girewt. Seba ke zulmê DAÎŞ’î ra xelesîyayî, xeylî kêfweş bîyî.

‘Boya Şarê Baxozî Vejîyaye’

Belkî hîrê ra yewê şarê herême çeteyan dir xebetîyayêne, labelê zulm û zordarîye şar mecbûr verdabi ke înan dir bixebetîyo. Gama ke QSD, YPG û YPJ resayî Baxoz, boya şarî vejîyaye. Hücreye nimiteyî yê DAÎŞ’î hewna zî estê. Hemleya Baxozî ra dima ma serkewtişêko pîl fîna dest, labelê ê xo çi mîyanê şarî de binimnê, çi zî teber de, ça benê wa bibê ma do çeteyan bivînê û operasyonanê xo bidomnê. Operasyonê m abi hawayêkê serkewteyî dewam kenê.”

‘Ma Seba Şarê Xo Tim Amade yê’

Fermandare Ronahî Helebe vat, “Hendî şar berê xo ma rê akeno. Hucreyê nimiteyî gefan şarî rê wanenê. Hemleya ke ma 15’ê Gulane de dest pêkerde, bi xoverdayîşî dewam kena. Ma qismêko pîl ê cebilxaneyan û hucreyanê nimiteyan dî. Do dewamê nê bêro û hêzê ma seba şarê ma tim amade bê.

Mesela, embazan wareyê DAÎŞ’î ma rê, embazan ê cinîyan rê verdayî. Ma zî dest bi operasyonî kerd. Operasyon bi rastî zî serkewte bi. YPG, YPJ û QSD wareyê DAÎŞ’î ra heta Şeddadî, serê sînorê ra heta Baxozî aver şîyî.”