Meclîsê Cinîyan ê Berçeme hetkarîya maskeyan daye dibistane

Şaristanê Giessenî yê Almanya de cinîyanê kurdan dima de dibistanî abîyî maskeyê ke înan viraştî dayî dibistanêke.

Xebatkarê Meclîsê Cinîyan ê Berçeme yê Giessenî Merkezê Komelê Demokratîkî yê Kurdîstanî de ameyî têhet û înan maskeyî viraştî. Nameyê Meclîsî ser o Ayşe Marangoz maskeyê ke virazîyayî dayî mudirê Goethe Schule Geessenî ke 125 serrî yo ke perwerde dano.

Mudir Muscheidî vat: ''Ma zaf kêfweş bîyî. Hewceyê ma pê nê maskeyan estbi. Tîya de zêdêr domanê ke cuya înan a sosyale tay a, perwerde vînenê. Coka ez hetkarîya kurdan rê sipas kena.''