Meclîsê Cinîyan ê Ereban ê Şingalî bi eşkerayîyêke vera peymana Hewlêr-Bexdadî ya seba Şingalî şermezar kerde. Cinîyan dewa Bîrcalê ya bajarekê Medîbanê de eşkerayîye daye çapemenîye.
Cinîyan ard ziwan ke PDK wazeno Şingal çin bikero û agêrayîşan asteng bikero. Meclîsê Cinîyan eşkera kerd ke dima ke herêma înan hetê hêzanê Nesîre El Mûbîn ra ameye xelisnayene verê ferman û qirkerdişî ame girewtene. Cinîyan îfade kerd ke înan dormeyê fikranê Rayberê Şarê Kurdî Abdullah Ocalanî de xo rêxistin kerd û xîretê hêrişan çimanê înan nêtersnenê.
Cinîyan da zanayene ke ê peymana Bexdad-Hewlêrî ya seba Şingalî qebul nêkenê û vat: ''PDK bi na peymane verê qirkerdişanê neweyan akeno. Ma sey cinîyan eşkenê bi îdeolojîya Rayber Apoyî xo rêxistin bikerê û bipawê. Hêzê ma Nesîre El Mubîn temsilîya estbîyayîş û îradeyê ma ya. Ma do xeyalê Şingalê xoserî yê şehîdan bîyarê ca û verê nê kay û peymanan bigêra. ''