Hemsereka DBPyî ya Wanî Ayla Tarhane û Parlamentera HDPyî Muazzez Orhane veng dayî heme cinîyan û waştî ke wa seba wedartişê tecrîdê ser Rayberê Şarî Kurdî Abdullah Ocalanî têkoşîn bidî.
 

Parlamentera HDPyî Muazzez Orhane ANFyî rê tecrîdî ser o qisey kerde. Orhane tecrîd sey sucê merdimîye hesibnaye û wina va: “Tecrîd şexsê Ocalanî de heme kurdan û tepişteyan ser o yeno domnayene. Tecrîd vera kurdan de hêrişêko topyekun o. Ganî no îşkence demêko raver bêro wedarnayene. Wedartişê tecrîdî semedê aştîye zî gamêka girde ya.”

Hemsereka DBPyî ya Wanî Ayla Tarhane zî viste vîr ke 5ê nîsane 2015î nata tecrîd bi hawayo girankerde domîyeno û wina va: “Semedê wedartişê tecrîdî ganî hîna zaf têkoşîn bidîyo. Tecrîd şexsê Birez Ocalanî de leteyêkê polîtîkaya çinkerdişê kurdan o. Ganî ma cinîyî pêro pîya semedê wedartişê tecrîdî têbigerê.”