Hemserekê KCDyî Berdan Ozturkî û Hemserekê HDPyî Sezaî Temellîyî Kongreya Şaran ê Demokratîke ya 10. de Anqara de qisey kerd.

Hemserekê KCDyî Berdan Ozturkî vat: " Tecrîdê vera Ocalanî yeno girankerdene çira? Çunke rêzdar Ocalan alternatîfan dano. Nê alternatîfê ci Rojawan de cagirewt. Ma zî Tirkîya de xoverdayîşê xo bikê, rêxistinîya xo bikê. Ê seba ke rastîye vînenê Ocalanî ser o tecrîd kenê. Eke ma sey HDK rêxistinîya xo bikê û tecrîdê xo wedarê ma eşkenê tecrîdê vera Ocalanî zî wedarê. Ganî serra 2020î biba yewîya neteweyî ya kurdan. Rayîrêko bîn çin o. Yan azadîye yan azadîye."

 Hemserekê HDPyî Sezaî Temellîyî vat: "Eke fikrê şima çinbo şima nêeşkenê rêxistinîya xo bikê. 10 serran ra ma xîret kenê ke rêxistinîya nê fikrî bikê. 

Nika wextê ci yo ke ma nê xoverdayîşê xo pîya rêxistin bikê û wurzê payan ser. Serebûtê ke nika Tirkîya de Rojhelatê Mîyanênî de qewimîyenê tesadûfî nîyê. Ganî ma xo seba naye amade bikê. Kapîtalîzm wexto ke krîzê xo de pûç bibo teqez şîdet û şerê xo geş biko. Ganî vera naye ma amadekarîya xo bikê.

Ma bi xoverdayîşî amebî nika wextê ci yo ke ma rêxistinîya komelî bikê û dinya bivurnê. Ez pê bawer a ke ma do pîya naye bikê.