Çarçewa Kampanyaya 'Semedê Pirsûsî Edalet semedê her kesî edalet'î de 8 edamanê Înîsîyatîfê Keyeyanê Pirsûsî waşt ke Kadikoyî ra ver bi Aqnara rayra şirê. Polîsan hêriş kerd û bi şîdetî 5 kesî destbend kerdî.

Verê hêrişî semedê 33 kesanê ke 6 serrî verî ameyî qetilkerdene verê Şaredarîya Bakirkoyî de eşkerayîye ameye dayene.

Eşkerayîya ke binê ablûqaya polîsan de ameye kerdene de ame vatene ke rixmo ke qirkerdişî 6 serrî xo dima verdayî hema zî dewa de averşîyayîşêk çîn o. Çalakwanan vat ''Heta ke qirkerdişî nêrê roşnkerdene û berpirsîyarî nêrê muhakemekerdene haştîye û azadîye nêna na herre.''

Badê eşkerayîye 8 kesê ke  kewt rayîr hetê hêrişê polîsan ameyî. Polîsan bi bahaneyê verbendikanê ke ser o 'Semedê Pirsûsî Edalet semedê her kesî edalet' nuşteyo verê înan girewt. Semedê protestokerdişê nê caardişê keyfîyî çalakwanan waşt ke çalakîya roniştişî bikerî. Polîsan 5 çalakwanî bi şuxulnayîşê şîdetî destbend kerdî.