AKPyî seba ke verê medyaya komelkîye bêro girewtene pêşnîyazêkê qanûnî dabi. Qanûn vizêr Meclîs de bi rayanê AKP-MHPyî ame qebulkerdene. 

Goreyê qanûnê bi 9 madeyan naye ra pey zanayîşê xebitnayoxanê medyaya komelkîye do eşkera bibê. Reyna bi nê qanûnî heqê dewlete esto ke mudaxeleyê rîpelan bikera, rîpelan wedara yan zî asteng bikera.

Hetê bînî ra HDPyo ke hesabanê xo yê medyaya komelkîye ser ra vera sansurî vejîya, derheqê babete de nê çîyî vatî: ''AKP bin keweno û her ke bin keweno beno xedar. Qanûnê medyaya komelkîye nîşaneyê tersanê înan o. Ma pîya wayîrê heqê xo yê girewtişê zanayîşî vejîyê.''