Qerarê dewaya Dînkî ame eşkerakerdene
Bi bahaneya ‘dem ser ra ravêrto’ ya dosyaya dewa de selahîyetdarê umûmîyî tede ameyêne muhakemekerdene de, cezayê ke dîyabî versûcan ameyî kemîkerdene.
Roniştişê dewaya 9 versûcanê ke kiştişê muduro pêroyî yê rojnameyê Agosî Hrant Dînkî de ca girewto, Mehkemeya Ceza Girane ya Stenbolî ya 14’ine de virazîya.
Roniştiş de versûc Erhan Tûncel û versûcî Osman Hayal û Ersîn Yolcû Trabzon ra û versûcê tepişteyî Yasîn Hayal û Ogun Samast zî zîndan ra bi rayîrê SEGBÎS’î tewrê roniştişî bîyî. Versûcan hemverê îdayanê derheqê înan de pawitişî kerdî. Dimayo ke versûcan pawitiş kerd heyetî mabên da û dimayê mabênî ra qerar da. Heyetê mehkema dewaya kişîyayîşÊ Hrant Dînkî de qerar da. Mehkema versûc Erhan Tûncelî rê 99 serrî û 6 mengî, Yasîn Hayalî rê 7 serrî û 6 mengî û Ogun Samastî rê zî 2 serrî û 6 mengî ceza daye.
