Rayraşîyayîşo Dergo ke serkeşîyaTêgêrayîşê Ciwanan ê Ewropa de ame organîzekerdene bi tewrbîyayîşê bi seyan ciwananê kurdan û enternasyonalîstan ver bi Aachenî dewam keno.

Rayraşîyayîşo ke 11ê êlule de Koln de dest pêkerd roja 5ine de Parka Ciwanan a Neussî de dest pêkerd. Ciwanî bi sloganan binê varûnî de ver bi Monchengladbachî şinê.

Endamê Têgêrayîşê Ciwanan ê Şorişgêran (TCŞ)  Azad Zagrosî ke derheqê çalakîye de qisey kerd, bale ante ser ke rixmê heme hêriş û provokasyonan rayraşîyayîş qerardar dewam keno. Zagrosî vat: ''Çalakîyê ke çarçewa Hemleya ‘Werin Cenga Azadiyê’  de semedê azadîya Rayberê Şarê Kurdî Abdullah Ocalanî yenê kerdene do ser bikewê.''

Endama TekoJIN Bêrîvane Xelat zî ard ziwan ke demê wina tengî de  ke hêrişê dişmenî zêdîyeyayê  û tecrîd xorî bîyo de çalakîya winayêne moral dana herkesî û veng da ciwananê kurdan û enternasyonalîstan ke siba tewrê çalakîya fînalî bibê.

Rayraşîyayîşê ciwanan roja 6ine de Monchengladbachî ra do ver bi Aachenî bêro kerdene û qedîyayîş de do hunemendê TEV-ÇANDî konserêkê pîlî bidê.