Rêxistina HDPyî ya Edîrne binê ablûqa de ya!

Rayraşîyayîşê HDPyî ra verî ke ewro do Edîrne û Colemêrgî ra dest pêbikero, bînaya RêxistinaHDPyî ya Edîrne hetê polîsan ra gêrîyaye binê ablûqa.

HDP do ewro Edîrne û Colemêrgî ra di perran ra ver bi Anqara pê şîarê ''Rayraşîyayîşê Demokrasîyî yê Vera Darbe'' şoro. Labelê rayraşîyayîşî ra verî dormeyê bînaya HDPyî ya Edîrne ameye girewtene. Xeylêk polîsî dormeyê bîna de ameyî cakerdene.

Seba astengkerdişê rayraşîyayîşî zî xeylêk şaristanan de çalakî û nawnayîşî ameybî qedexekerdene.  Rixmê qedexeyî zî seba rayraşîyayîşê perrê Edîrne Hemsereka HDPyî Pervîne Buldan, wekîl û îdarekaran do saete 12:00 de Merkezê Sukî yê Sîlîvrî de kom bibê û şorê Anqara.