Roniştişê dewaya Denîze Poyraz ewro Mehkemeya Cezaya Girane ya 6. ya Îzmîrî de ame kerdene. Dayîka Denîze Poyraz Fehîme Poyraz û babîyê ci Abdullah Poyraz,Hemsereka HDPyî Pervîne Buldan, wekîl û îdarekarê HDPyî û CHPyî û xeylêk temsîlkarê partîyan û rêxistinan, Wekîlê Danîmarka Lars Aslan Rasmussen, Soren Sondergaard, 500yî ra zafêr avûkatî û xeylêk hunermend û roşnvîrîtewrê mehkeme bîyî.

Roniştişî bi tesbîtkerdişê nasnameyî dest pêkerd. Qetilkar Onur Gencero ke bi muebedê giranî 7 serran yeno muhekemekerdene, heyeta mehkeme wîya, heyete ra vengê 'qetilkarî do hesab bidê bi berz.'

Seba ke heyetê mehkeme wextê tespîtkerdişê nasnameyî de zaf nerm nêzdîyê qetilar Gencerî bi Pervîne Buldan nêrazîbîyayîş mojna. Buldane bi vengê berzî qîrayî û vat: ''No mêrik Minbiç de ame perwerdekerdene û o yew qetilkar o. DAÎŞij o. Şima nêeşkenê wina nerm nêzdîye ê bibê. Şima ganî sey qetilkarê ci rê nêzdî bibê.''

Avûkat  Îmdat Ataşî vat: ''No ke keso tîya ronişeno teberê welatî de perwede dî û bi zanayîş organîzekerde qirkerdiş kerd. No qirkerdiş ê têna nêkerd. Ganî dozgerîye na çarçewe de cipersayîş bikedêne. Destê ma de kanitî estê.  Dozgerîya serê ci genê nêwezena qetilkar bêro zanayene. Ganî heme torra nê tekîlîyan û çeteyan bêro eşkerakerdene. Tirkîya de eke cînayetêk bêro kedene kiştox tewr tay ganî 24 saetî nezaret bimano la Gencer 20 saete nezaret de mend. Dozgerî xoser proses reyra berd. Coka no cipersayîş kêm o. Xora medyaya sanale de zî fotograf û nuşteyê ci nasnameyê ey û pabesteyê kamî yo eşkera ramojnenê. Kesê ke telefonê ci qeydkerdeyê roja qirkerdişî pêvînayîş kerdo zî derheqê înan de cipersayîş nêameyo kerdene. Keso ke tira çeke girewto îfadeyê ey zî nêameyo girewtene. Gencer pîya bi memurêkî nişto yew texsî şîyo hotele la dozgerîye qet detayanê nê kesî ser o nêvinderta. Dozgerîye Gencer sey problemê ci yê ruhî estê ramojna û bi persanê xo  kerd ke rayîrê xelisnayîşî binojê ey. Coka dozgerîye hemkarê sûcî ya.''

Bado ke mabên dîya mehkema heyetê mehkeme vat qetilkar Gencer şawîyayo zîndan.  bê girewtişê beyananê avûkatan no qerar ame girewtene.  Serekê mehkeme îdîa kerd ke dîsîplîn çîno înan qerarê peydeeştişê ronişitşî girewto. Roniştiş 24ê çeleyî rê ame peyde eştene. Mehkeme qerar girewt ke wa roniştişo bîn Kampusê Zîndanê Şakranî de bêro kerdene la avûkatanê Poyraze qebul nêkerd. Badê îstîşareyanê dergan qerar ame girewtene ke roniştiş do eynî cade bêro kerdene. Şaro ke heyeta mehkeme de yo vat 'Şima kamî  pawenê' û vera heyetê mehkeme nêrazîbîyayîş mojna û slgonê 'Qetilkarî do hesab bidê' eştî.

Serekwekîla Koma HDPyî Merale Daniş Beştaş vat: ''Tarîxê Tirkîya de reya verêna ke qetilkar şino yew partîya sîyasî de qirkerdiş keno. Şima nêeşkenê wina nişka biqedînê. Ma nêwezanê muhakemekerdiş Şakran de bêro kerdene.'' Naye ser o vatişê serekê mehkeme yê  'Ez nika têna wirzena şina keye, pawitoxê mi çîn ê, şima zî biney mi fehm bikerê' bale ante xo ser. Şaro ke heyeta mehkeme de bi vat 'Ma ra çîyêk nêreseno şima, xo dewlete ra bipawê.'

Badê roniştişî serekanê baroyan  ke eşkerayîye daye ard ziwan  bi nê qirkerdişî ame waştene ke kaos bêro vetene û  vat seba ke hêzê ke peyê nê qirkerdişî de bêrê eşkerakerdene ê do têkoşînî bikerê.