Siba Bruksel de do çalakîya merkezî bêro viraştene

Vera hêrişê qirkerdişî yê dewleta Tirkî yê vera Rojawanî 23’ê Teşrîna Verêne de do Bruksel de çalakîya merkezî bêro viraştene. KCDK-E semedê tewrbîyayîşê çalakîyê veng da û wat heta ke Rojawan îşxalkaran ra bêro pakkerdene do xoverdayîş dewam bikero.

Semedê protestokerdişê hêrişê îşxalkerdişê dewleta Tirkî yê vera Rojawanî 23’ê Teşrîna Verêne (siba) patextê Belçîka Bruksel de do rayaşîyayîşêko merkezî bêro viraştene. KCDK-E derheqê rayaşîyayîşî de şekrayîyêk daye û waşt ke heme Kurdî û dostê înan tewrê ci bîbê.

Eşkerayîye de ame vîrvîstene ke rixmê adirbirnayîşê artêşa Tirkî hêriş rê dewam kena û ame vatene ke ganî xoverdayîş hîna bêro girdkerdene. Reyna ame vatene ke dewleta Tirkî vera sivîlan çekanê qedexeyan şuxulnena û cinî, doman cîya nêkena şarê herême qetil kena. KCDK-E semedê tewrbîyayîşê rayraşîyayîşo ke hetê 'Defend Rojava' ra ame organîzekerdene û 23’ê Teşrîna Verêne (siba) do Bruksel de bêro viraştene veng da û waşt ke her kes tewrê ci bibo û semedê vernîgirewtişê şerî vengê xo berz bikero.