'Tarîxê têkoşînê ma de wextê îdareyanê xoseran prosesêko zerrn o'

''Bi hezaran merdimê ma ameyî kiştene, koçkerdene, tepiştene, îşkencekerdene, dewê Kurdîstanî ameyî vêşnayene. Seba pawitişê estbîyayîşê xo verê ma de têna yew rayîr esto, o zî xoverdayîş o."

Endamê Fermandarîya Qerargehê Merkezî yê HPGyî Rizgar Êrdîyî radyoyê Dengê Welat reyde qisey kerd û prosesê xoserîya demokratîke, hêrişê îşxalkerî, xoverdayîşê kurdan ercnayî. 

Ercnayîşê Êrdîyî ra beşêk wina yo:

"Ma serrgêra 5. ya xoverdayîşê îdareyê xoserî yê Vakurê Kurdîstanî de yê. Ma nê xoverdayîşî de zaf şehîdî dayî. Ez şexsê înan de pêro şehîdan yad kena. Rayber Apoyî wextêkê winasênî de adirbirnayîş îlan kerd. Verê adirbirnayîşî de dewleta tirke embaze Sara (Sakîne Cansiz) hedef kerde. Dewleta tirke bi qirkerdişê kurdan wazena estbîyayîşê xo dewam bikera. Bi hezaran merdimê ma kiştî, dewê Kurdîstanî vêşnayî, merdimê ma koçber kerdî, eştî zîndanan la reyna zî şarê kurdî kurdbîyayîşê xo ra fek vera nêda. Dewleta tirke vera naye tim hêrişê ma kerd. Seba ke ma estbîyayîşê xo bivisnê destî têna yew rayîr esto o zî xoverdayîş o. Coka nê hêrişî nêeşkenî ke ma dewaya xo ra fek vera bidê.

Wextê pêvînayîşan bi qaşo hînî muzakere dest pêkerdêne. Ganî merheleyê neweyî yê prosesê zelalî bibîyêne. Dewleta tirke bi cerganê DAÎŞî waşt ke mudaxeleyê herême bikera û verê prosesê çareserîye bigêra. Kurdan pêro waranê têkoşînî de destkewteyî qezenç kerdî. Wexto ke eşkera bi ke dewleta tirke çareserîye nêwazena o çax xoverdayîşê şarî dest pêkerd. Merheleyê şerê şarê şorişgêrî de ganî Vakurê Kurdîstanî derbazê dewirêkê neweyî yê têkoşînî bibîyêne. Coka xoverdayîşê îdareyê xoserî dest pêkerd. 

Cayêk de şar û gerîlayî pîya bibê pêro dinya vera ci vindera zî nêeşkena têgêrayîşê înan çin bikera. Prosesê îdareyanê xoseran bi nê hawayî dest pêkerd. Eke no proses nêbîyêne  ne Rojawan awan bibîyêne ney zî têkoşînêko wina pîl amayêne kerdene. Naye ra tarîxê têkoşînê ma de prosesê îdareyanê xoseran prosesêko zerrn o. Hînî dişmenî zî zanenê ke ni nê metodan nêeşkeno şarê kurdî çin bikerê. Dişmenî zanenê ke eke zîndanan veng bikerê îrade û hêzê înan eşkenê her ca feth bikerê. Coka nê cezayanê nêheqan danê. La têkoşînê ma do dewam bikerê. Ma hê dekewenê dewirêkê neweyî. Sey gerîlayanê azadîye ma seba ke waştişê şarê xo bîyarê ca têkoşînê xo berz bikerê. Hêvî û waştişê Rayber Apoyî, ê embazanê ma yê tepişteyan seba welatêkê azadî ma do têkoşînê xo bikerê."