Temellîyî Tirkîya dawete prosesê muzakereyî kerde

Hemserekê Pêroyî yê HDP’yî Sezaî Temellîyî beşdarê Konferansê Herêma Egeyî yo ke hetê partîya ci ra ameyo organîzkerdene bi. 

Hemserekê Pêroyî yê HDP’yî Sezaî Temellîyî beşdarê Konferansê Herêma Egeyî yo ke hetê partîya ci ra ameyo organîzkerdene bi. Temellî ard ziwan ke, weçînayîşî êdî apey mendî û bale ante serê muhîmîya înîsîyatîf girewtişî.

Ma her ca de sîyaset bikerê

Temellîyî konferas de qisey kerd û vat, “Ma kotî de benê bibê, taxa xo de, keuçeyê xo de kotî beno wa bibo sîyaset bikerê. Ma heqê xo yê sîyasetkerdişê hewaleyî kesî nêkerê. Eke ma hewale kerd, mîyanê 4 serran de Tirkîya kotî ra yeno guneno kotî ra ma dîye. Çîyo ke ma 24’ê Hezîrane de kerd, newe ra dawetkerdişê merdiman bi sîyasetî bi. Ma no kerd. Ma merdimî newe ra dawetê sîyasetî kerdî. Xebatêko bizehmet û giran bi la ma ser kewtî.”

Şiknayîşê tecrîdî hemlayêka krîtîke bîye

Temellîyî bala ante serê şiknayîşê tecrîdê serê Rayberê Şarê Kurdî Abdullah Ocalanî û vat, “Ganî no tecrîd biameyêne şiknayene.  Şiknayîşê nê tecrîdî hemlayêka krîtîke bîye.”

Ganî prosesê muzakereyî dest pêbikero

Temellîyî vat, “HDP do vera faşîzmî têkoşînê xo dewam bikero. Bi heme awanî û sazgehanê xo. Demokrasîyo radîkal, demokrasî yo ke muzekere keno yo. Seba ke ma ameyoxî rêxistin û awan bikerê, hîna ke erey nêkewto ganî ma ewro ra gaman bierzê. Meseleyê îtîfakê demokrasî yo ke ma qalê ci kenê no vengdayîş o.  Bêrê ma pîya problemanê Tirkîya çareser bikerê û rayîrê ci abikerê. Bêrê ma îtîfakê demokrasî de bêrê têhet. Bêrê ma qisey bikerê. Bêrê Ocalanî reyde qisey bikerê. Muxetabê meseleyî reyde muxetab bibê. Teyna ma HDP’yijî ney, ganî hemê cimat û kerdoxê Tirkîya înîsîyatîf bigêrê û qisey bikerê. Vengdayîşê HDP’yî na xete ser o yo. Ma îtîfaqê Demokrasîyî reyde heme cimatî seba qiseykerdiş, pîyakarkerdiş û muzakereyî dawet kenê.”

Goştarîya HDP’yî bikerê

“Heme partîyî, AKP bo, MHP bo,ÎYÎ Partî ba û CHP bo ganî goştarîya HDP’yî bikerê. Şewe û roje HDP’yî reyde bi zelemeleyî şima nêeşkenê rayîr bigêrê. Şima parlamentar ê. Şima mecbûrê ke yewbînî bivînê û qisey bikerê.Tirkîya şima rê aşitîya cimatkî pawena. Ganî şima na babete de gaman bierzê.”