Wezîrîya Karê Zereyî ya Tirkî da zanayene ke serrgêra komploya mîyanneteweyîye ya 15’ê Sibate ya vera Rayberê Şarê Kurdî Abdullah Ocalanî de operasyonan de temamî de 735 kesî ameyî destbendkerdene.
Wezîrîya Karê Zereyî blançoya destbendkerdişan ê sereştişê keyeyan û çalakîyanê protestoyan eşkera kerde.
Goreyê wezîrîye operasyonan de 685 kesî sereştişê keyeyan de, 50 kesî zî çalakîyan de pêro pîya 735 kesî ameyî destbendkerdene. Nînan ra 61 kesî ameyî tewqîfkerdene, 226 kesî serbest ameyî veradayene û 448 kesî zî hema binê nezaretî de yenî tepiştene.
