Tîmanê Cewabdayîşî yê YPSyî yê Şehîd Botan Şoreşî derheqê çalakîyanê hêzanê înan de zanayîşî dayî. YPSyî îfade kerd ke hêzanê înan seba vîrameyîşê Roşanê Newerabîyayîşî yê 15ê Tebaxe nê çalakîyî kerdî.

Goreyê naye: 10ê tebaxe de qezaya Eyyûbîye ya Riha de vera mudirîya zabitayan çalakîyêke ameye kerdene û îdarekarê hemkaranê AKP-MHPyî cayê çalakîye ra remayî û endamê Meclîsê AKPyî Îzzettîn Çîftçî ame vêşnayene. 8ê tebaxe de zî herêma sanayî ya Mersînî de vera şîrketa Ulkerî û depoyê marketê şokî çalakîyî ameyî kerdene. Çalakîye de nê cayî bi temamî vêşayî. Reyna 8ê tebaxe de qezaya Yenîşehîrî ya Amedî de keyeyê ajan R.K.yî rê bomba erzîyaye û R.K. ame hîşyarkerdene.''