TJA Êlih de Kampanyaya ''Ma Xo Pawenê'' da destpêkerdene

TJA Êlih de startê Kampanyaya ''Ma Xo Pawenê'' ya ke vera tecrîdê Îmrali, tacîz, tecawuz, qirkerdişê sîyasîyî û qirkerdişê vera bawerîyan daye destpêkerdene, da.

Têgêrayîşê Cinîyan ê Azadan (TJA) Êlih de bi eşkerayîya çapemenî startê Kampanyaya ''Ma Xo Pawenê''  ke do  çar aşmî bêro domnayene.

Pîya bi aktîvîstanê TJA Wekîla HDPyî ya Bajarî Feleknaze Uca, Hemşaredara Êlihî Songule Korkmaza ke herinda ci de qeyûm ame cakerdene û Mayê Haştîye tewrê eşkerayîye bîyî. Cinîyanê ke kincê herêmî kerdî piray dovîzê sey Tecrîd sûcê merdimîye yo, Hîşkerdiş çîn o ma bi têkoşîn ê û Cinî  cuya azadîye ameyî akerdene.

Aktîvîsta TJA Gulîstane Sonuk ke eşkerayîye de qisey bale ante Heskîfo ke binê awe de mendo ser û vat: Zîhnîyeto ke Heskîfo ke wayîrê tarîxê 12 hezaran o kerd fedayê awbendê 50 serran û tarîx û kulturê ma awe de cûm kerd û koyî û daristanê ma vêşnayî kerî wele ma vera nê têkoşînê demokratîkî danê.