Hetkarê Hemserekanê Pêroyîyan ê HDPyî û Komîsyonê Huqûq û Heqanê Merdiman ra Mesuldar Umît Dedeyî derheqê tecrîdê vera Rayberê Şarê Kurdî Abdullah Ocalanî de û derheqê raporê CPTyî de ANFyî reyde qisey kerd.

Umît Dedeyî ard ziwan ke CPTyî îşkenceyê Îmraliyî eşkera kerd û warê mîyanneteweyî de qeyd kerd. Dedeyî vat: ''No îşkenceyê Îmraliyî 20 serran ra nata dewam keno. Xora 15ê temmuze ra dima pêro zîndanan de îşknece yeno caardene. La tecrîdê vera Îmraliyî tesîrê pêro Tirkîya û Rojhelatê Mîyanênî keno.

Ocalan mefteyê haştîye yo. Tecrîdo winasên bêhuqûqî yo. Seba herêma ma û Rojhelatê Mîyanênî haştîye girîng a. Ocalan seba her kesî kesayetêko sîyasî yo girîng o. Seba şiknayîşê tecrîdê Îmraliyî ganî muxalefeto komelkî xo rêxistin bikero. Seba şiknayîşê tecrîdî partîya ma xebatêka awankerdişê komîsyonî kena. Na çarçewe de komel do nîqaşan bikero û seba haştîye komel rêxistin bikero.''