Wa zerrîya to rehet ba Tekoşer

Nika wa zerrîya to rehet be gerîla Tekoşer! Makînaya ma zî zerrîya ma zî binê emrê to de yê. 

Gerîla Tekoşer Kahraman 27ê temmuze de Avaşîn de şehîd bi. Hela ke mi o dî hema zî vîrê mi de yo.

Gerîlayêko zixm, gandar û xorin bi. Mi rê vat: ''Ti çira wazenî fotografê mi bigêrî? Ti seba şehadetê mi fotografêk wazenî? La ê çêrê ke fotografê înan çin ê, se benê?'' Nê çîyî tewr nêameybî mi vîrî. Mi vat seba ke gerîlayê şerwanê şarî yê ez wazena fotografê ci bigêra. O çax o zî îqna bi û vat 'De bigêre.' Huya û mil xo da darêke ro. Mi vat mi forografê ye bi zerrîya xo girewt. 

Mi Avaşîn de Gerîla Tekoşer şinasna. Gerîlayêko lez û zixm bi. Gamê ci qij bîyî la wexto ke vazdayêne çew nêeşkayêne bireso ci. Emser o do bişîyêne Çarçella. Vatêne verî ke şoro Çarçella o do mi Avaşîn de biçarno la nêwaştêne ez fotografê ci bigêra. Mi reyna zî fotografê ey girewtî.

Seba ke bi hezaran gerîlayan ra ke fotografêkê înan çin o, uzrê xo biwaza mi fotografê Tekoşerî girewtî. Zerrîya ey de zî ê çêrî estbî. 

Tay çêrê PKKyî verî ke vengê înan hasmênî de vila bibo şehîd bîyî. Têna yew fotografê Hakî Karerî esto. Ê Mazlûm Doganî beno ke 2-3 heb ê. Ê Ronahî û Bêrîvane zî yew ê. La reyna zî ma do nê çêran xo vîrî ra nêkerê. 

Ma bi makîna û zerrîya xo dîmenanê nê çêran gênê. Nêbo tarîx do ma efû nêkero!

Nika wa zerrîya to rehet be gerîla Tekoşer! Makînaya ma zî zerrîya ma zî binê emrê to de yê!