Wan de mergê teyran zêdîyeno

Herêmê awin yê Erçek û Çelebîbagî yê Gola Wanî ke tede nizdîyê 232 tewirî teyrî cuyenê de, mergê teyran dewam keno. Goreyê dorûverpawitoxan sebebê ci kanalîzasyonê awe û xeripnayîşê dormeyî yî.

Hewzaya Gola Wanî de kugu û flamîngoyana pîya bi seyan tewirî teyrî cuyenî. Demo peyên de mergê nê teyran zêdîyayo. Bi taybetî taxa Kasimbagi ya qeraxê Gola Wanî de no zêdbîyayîş dîqetê merdimî anceno.

‘HETA GOLE NÊRA PAK KERDENE, MERGÊ TÊYRAN KÊMÎ NÊBENO‘

Kasimbagi ke sere de tewirê Yeşîlbaş, Kaşibûrûn, Elmabaş û Angutî û bi hezaran martî, flamîngo û sewbîna teyran rê cayê cuye ya de, mergê teyran nêşêno bêro vindarnayene. Seba ke qayûman nê cayî kerdî cayê sermaye, vaşî çînayî û cayê teyran pêro kerdî qum, dengeyê tebîî serûbin bîyo. No zî zirar dano teyr û tûrî.

Verfeka Meclîsê Ekolojîyê Mezopotamya Seher Kadîroglu Ataşe dîyar kerde ke nê mergî lêminîya awe ra benê û wina dewam kerde: "6 qezayî û dewanê ci ra û fabrîkayan ra awa lêmine û eşteyê kîmyewî erzîyenê gole. Heta ke gole nêra pak kerdene, mergê teyran kêmî nêbêno."