Wedaritişê Peymana Îstanbulî Oslo de ame protestokerdene

Şaristanê Osloyî yê Norweçî de wedaritişê Peymana Îstanbulî yê Tirkîya ame protestokerdene.

Şaristanê Osloyî yê Norweçî de wedaritişê Peymana Îstanbulî yê Tirkîya bi çalakîyêke ame protestokerdene. Çalakîye hetê Platformê Cinîyan ê Kurdan ra ameye serûberkerdene û Organîzasyonê Paştdayîşî yê Kurdîstanî zî tewrê çalakîye bi.

Nameyê Platformê Cinîyan ê Kurdan ser o Linda Weerts qisey kerd û venga Serekwezîrê Norweçî Erna Solberg, Sereka Komîsyonê Yewîya Ewropa Ursula von der Leyen û Sekreterê NATOyî Jens Stoltenbergî da ke wa paştî bidê haştîye û têdûştîya Kurdîstan û Tirkîya.''

Qiseykerdişan de ame vatene ke Tirkîya de destpêkê 2021î ra nata 91 cinîyayî kişîyayî. Çalakîye de ame parekerdene ke Peymana Îstanbulî meydanan de do bêra destvistene.