27'ê Hezîrane de teyareyanê şerî yê dewleta Tirkî ya îşxalkare, Kortekî yê Binarê Qendîlî de sîvîlî kerdî hedef. Netîceyê bombardûmananê teyareyan de eynî keyeyî ra 3 kesî şehîd kewtî û 5 kesî zî bî birîndar.

Wezaretê Karanê Teberî yê Iraqî derheqê babete de eşkerayîyêka nuştekîye weşanaye.

Eşkerayîye de ame vatene, “Hêrişêkê tekhetî îxlalkerdişê bandura Iraqî yo û vera cîranîya baş a di cîranan o. Hêriş hem huqûqê ma hem zî huqûqê mîyanneteweyî bi hawayêkê giranî îxlal keno. 

Şert û merc û sebeb çi beno wa bibo, hetê Tirkîya ra bombardûmankerdişê herêmanê Iraqî nêno qebûlkerdene û ma bi muhîmîye danê zanayene ke ganî no bêro vindernayene, hurmet bandura Iraqî rê bêro mojnayene û seba asayîşê sînoranê her di welatan hemkarîye bêra kerdene.”