Siba Wezîrê Karanê Teberî yê Tirkîya Çavuşoglu û Wezîrê Kultur û Turîzmî Ersoy  seba pêvînayîşê selahîyetdaranê hukmatê Almanya do şorê Berlin ke qedexeyê turîzmî yê seba Tirkîya bêro wedaritene. Wezîrê Tirkîya Wezîrê Karanê Teberî yê Almanya Heiko Maas û Wezîrê Ekonomîyî Peter Altmaierî reyde do pêvînayîş bikerê.

Siba aktîvîstê almanî û ê şaran ê bînan verê bînaya Wezaretê Karanê Teberî yê bi adresê  "Werderscher Markt 1, 10117 Berlin" roja pancşemeyî saete 12:00 de wezîranê tirkî şermezar bikerê. 

Rayraşîyayîşê şermezarkerdişî pê vengdayîşê kampanyaya Riseup4Rojava yeno kerdene. Nawnayîşî  pê sloganê ''Faşîzmî rê xalîya sûre nêra rakerdene'' û tewrbîyayîşê aktîvîstanê kurd û almanan reyde bêrê kerdene.

Çalakîya de bi taybetî dostanîya çekan a Almanya û Tirkîya bêra şermezarkerdene û do bêro waştene ke Tirkîya rê çeke nêra rotene.