Xîretê Edaletî yê Seba Roboskî menga 103. ya Qirkerdişê Roboskî de Şubeyê Anqara yê Komeleya Heqanê Merdiman (ÎHD) de eşkerayîyêka çapemenîye daye. Hemserekê ÎHDyî yê Anqara Fatîh Kanatî eşkerayîye wende û vat: ''Qirkerdişî ra 3 hezar û 135 rojî derbaz bîyî la hema zî edalet nêame caardene. Seba ke qirkerdişê sey Roboskî reyna nêqewimîyê. Cayêk de ke edalet tede çin o, qirkerdişî zî nênê astengkerdene.''

Kanatî da zanayene ke xelet o ke Tirkîya û Mehkemeya Heqanê Merdiman a Ewropa ceza nêdaye qirkerdişî.

Kanatî vat: ''Heta ke edalet nêro Roboskî edalet do nêro Tirkîya. Sere de seba Roboskî ma vera şer û teda heqê xo yê îtîrazî bixebitnê. Ma terefgîrê edalet û haştîye yê. Heta ke seba Roboskî edalet nêro caardene ma cayê xo de rehet ranêkewenê û rehet nêdanê çew zî. Roboskî îmtîhanê dewlete û îqtîdarî yo. Ma do dewaya xo ra fek vera nêdê. ''