Fermandarîya Qerargahê Merkezê Pawitişê Şarî (MPŞ) semedê xoverayîşê Heftanînî Fermanarîya Heftanînî fîraz kerd. Fermandarîya Merkezê YJA Starî zî xoverdayîşê gerîlayan ê Botan û Heftanînî fîraz kerd.

MPŞyî vat:  ''Hêzanê şima heta nika vera hêrişanê îşxalî yê dewleta tirke yê ke 16ê hezîrane de ameyî destpkerdene xoverdayîşo pîl da. Çalakîyê 8ê tebaxe yê warê Pîrbûla ke derbê pîlî dayî dişmenî ro. Rixmê heme îmkananê teknîkîyan çalakîyî serkewteyî yenê kerdene. Bi ruhê Hemleya 15ê Tebexe serkeşîya hemrayanê ma Warşîn û Sorxwîne de derbê giranî dîyayî dişmenî ro ke nê serkewtişo muhîm o. Bi bawerîya dewamê çalakîyanê wina netîcegirewtoxan ma hemrayê ke çalakîye bi hawayêkê afernayoxî viraştê reyna pîroz kenê, înan rê serkewtiş wazenê. Şexsê Fermandarîya şima de heme hêzanê Eyaletê Heftanînî bi heskerdiş û hurmet silam kenê.''

YJA Starî zî vat: ''Hezanê ma yê YJA Starî eyalatanê Botan û Heftanîn semedê selamkerdişê 15ê Tebexe  bi ruhê Apoyî goreyê dewrê neweyî çalakîyî kerdî. Ma heme fermandaran û şerwananê xo semedê nê çalakîyanê bitesîran fîraz kenê û dewamê nê çalakîyan pawenê. PKK de qesasgirewtiş û gonîya şehîdan erdî de nêverdayîş tradîsyon o. Serkewtiş do ê  gerîlayan bo ke xeta Egîd û Zîlanan de xover danê.''