YPS/YPS JIN: Ma do her ca bikerê warê xoverdayîş û xopawitişî!

YPS/YPS JIN: Ma serrgêra xo ya 5. fîraz kenê. Serra 6. ya têkoşînî şerwan û milîsan rê ferz kena ke pê ruhê Xoverdayîşê Xoîdarekerdişî her ca bivurnê warê xoverdayîş û xopawitişî û qesas bigêrê.

Koordînasyonê YPS/YPS JIN pê eşkerayîyêke serrgêra 5. ya ronayîşê YPS/YPS JIN fîraz kerde.

Eşkerayîye de ame vatene ke Vakurê Kurdîstanî de faşîzmê dewleta tirke bi projeyê 'Planê Çinkerdişî' 2015î ra nata dewam keno la vera nê faşîzmî kurdî her ca de xo ver danê.

YPS/YPS JIN xoverdayîşê xoîdarekerdişî yê 2015-2016î vist vîrî û îfade kerd ke YPS/YPS JIN o çax rayberîya komelî kerde û selahîyetê xo îsbat kerd.

YPS/YPS JIN vat: ''Hema zî rêxistinîya xopawitişî wezîfeyê ma yê qesasî yo. Ma serrgêra xo ya 5. fîraz kenê. Serra 6. ya têkoşînî şerwan û milîsan rê ferz kena ke pê ruhê Xoverdayîşê Xoîdarekerdişî her ca bivurnê warê xoverdayîş û xopawitişî û qesas bigêrê. Ma embazanê ke wextê xoverdayîşê xoîdarekerdişî de şehîd bîyî yad kenê û sozê xo dibare kenê ke ma do alaya înan her tim berz bikerê û qesasê înan bigêrê.''