Avûkat Muharrem Şahîno ke tewrê pêvînayîşanê avûkatan ê serra 20ê temmuza 2011î bibi, derheqê fikranê Ocalanî, tecrîd û tesîranê tecrîdî de ANFyî rê qisey kerd.

Avûkat Şahînî ard ziwan ke Rayberê Şarê Kurdî Abdullah Ocalanî hecedarîyanê mecbûrîyan ra ber qet tecrîd xo rê mesele nêkerde û qet nêwaşt o vejîyo vernî.

Şahînî vat: ''Birêz Ocalanî rim vatêne 'Beno ke hetê fîzîkî ra ez zîndan de ya la hetê rûhî ra ez zîndan de nîya.' Ey tim vatêne tecrîd do Îmrali de nêmano û eşkerayîyanê xo tim pare kerdêne ke tecrîd beno sebebê kaosî. Birêz Ocalanî Îmraliyî ra verî fikr û pêşnîyazê xo seba qedînayîşê tecrîdî pêşkêş kerdbî. Pêşnîyazê ci seba kaosê Sûrîye û Iraqî zî derbazdar bîyî. Serra 2006î de Birêz Ocalan wina hîşyarî dabi 'Eke nê pêşnîyaz nêrê caardene netîceyê ci do giranêr bibê.' A raşte ma ewro nê netîceyan vînenê.''

Avûkat Şahînî îfade kerd ke Rayberê Şarê Kurdî çareserîyê meseleyan 10 serrî verî mojnaybî û vat: ''Kurdî goreyê nê pêşnîyazan têgêrayî la dewlete wina nêkerd. Dewlete nêeşkaye nakokîyanê xo çareser bikera. Nika atmosferêko sîyasî esto ke kesî rê fayde nêkeno. Komel hewceyê fikranê Birêz Ocalanî yo. Ma no prosesê çareserîye de dî. Meseleyî hînî têna îqtîdar û partîyêke nê pêro Tirkîya eleqedar kenê. Seba çareserîya ney zî ganî pêşnîyazê Birêz Ocalanî bêrê caardene.''