Amed de polîs hêriş keno, şar xover dano

Amed de verê eşkerayîya HDP’yî polîsan rayîrê ke vejîyenê şaredarîye girewtî. Polîs hêrişê şarî keno, xoverdayîşê şarî dewam keno.

Verê eşkerayîya HDP’yî ya derheqê xespkerdişê şaredarîyanê Bajaranê Pîlan ê Amed, Wan û Mêrdînî polîsan şaredarîye girewte binê ablûqa.

Partîya Şarana a Demokratîke (HDP) vera xespkerdişê şaredarîyanê Bajaranê Pîlan ê Amed, Wan û Mêrdînî bi tewrbîyayîşê hemserekê Pêroyî yê HDP’yî Sazaî Temellî, parlamenteran û heme hemşaredaran eşkerayîyêk organîze kerde. Verê eşkerayîye polîsan rayîrê ke vejîyenê şaredarîye girewtî û şaredarîye û dormeyê ci girewtî binê ablûqa. Yenîşehîr de polîsan hêrişê şarî kerd.

Temellî û parlamenterê ver bi şaredarîye rayra şinê. Şar semedê wayîr vejîyayîşê îradeyê xo  xover dano. Reyna wesayîtê ke bajaranê bînan ra yenê vernîya înan yena girewtene. Parlamenter Hîşyar Ozsoyo ke Çewlîg ra yeno Amed wesayîtê ci Erganî de  mewkîya Degîrmen Dere de qereqol de ameyî vindetene û destûra şîyayîşî nêdîyeno ci.