Boçnak binê ablûqaya polîsan de ame definkerdene

Tepişteyo 76 serre Alî Boçnako ke zîndan de  cuya xo vînî kerde, binê ablûqaya polîsan de ame definkerdene.

Tepişteyo 76 serre Alî Boçnako ke Zîndanê Tîpê Lyî yê Patnosî cuya xo vînî kerde, binê ablûqaya polîsan de ame definkerdene.

Tepişteyo 76 serre Alî Boçnak 2009 de operasyonê qirkerdişê sîyasî yê Qersî de amebi destbendkerdene û dima cezaya 1 serran 8 aşman dîyayebî ci.  Boçnako ke cezaya ci 2013 hetê Mehkemeya Berze ra ameyebî tesdîqkerdene, vizêr zîndan de cuya xo vînîkerdbi.

Cenazaya Boçnakî ke bi saetan morg de ameye vindarnayene, saetanê şanî de teslîmê keyeyî bîyî. Cenazaya Boçnakî ke ameye berdene Qers ewro Goristanê Asrî yê taxa Yenîmahale de binê ablûqaya polîsan de ame definkerdene. Polîsan destur nêda ke bê merdimanê ci yê nizdîyan kesêk bikewo goristan.