Cerganê dewleta tirke domanêke qetil kerde

Cerganê dewleta tirke hêrişê dewa Ereb Hesenî ya Minbicî kerd û domanêke qetil kerde, di kesî zî birîndar kerdî.

Cerganê dewleta tirke vizêr şan hêrişê dewa Ereb Hesenî ya Minbicî kerd. Hêriş de cayanê sivîlan ser o bombayî ameyî varnayene. Bombayêke kewte serê banêkî ser o û tede domana 6 serre ya bi nameyê Yasmîne Hisên El-Hecî ameye qetilkerdene, dadî û babîyê aye zî bi giranî birîndar bîyî. 

Birîndarî ameyî berdene bi nêweşxaneyê Minbicî. Ame zanayene ke rewşa birîndaran hol a la cergê ke hêrişê dewe kerd nêzdîyê dewe de ca da xo.