Ceyaza 7 serran dîyaye dayîka 72 serrîye

Cezaya 7 serran û 6 mengan dîyaye Dayîka Haştîye Makbule Ozbeka 72 serrîye.

Dayîka Haştîye Makbule Ozbek 29ê hezîrane ya 2020î de çarçewa cipêrsayîşê vera KCDyî de ameybî tepiştene û bado ke zîndan de krîzê qelbî ravêrnaye 5ê êlule ya 2020î de ameybî tehlîyekerdene. Dewaya ke Mehkemeya Cezaya Girane ya 8. ya Amedî de bi îdîaya endamîya rêxistine derheqê Ozbeke de ameybî akerdene ewro roniştişê ci ame kerdene.

Makbule Ozbek tewrê mehkeme nêbîye, avûkata ci Gulşene Ozbek mehkeme de amade bî.  Dozgerîye bi îdîaya ''endamîya rêxistine'' ceza waşte û vat wa  mesrefê mehkeme zî Ozbeke tehsîl bikero. Avûkate Gulşene Ozbek vat: ''Pêvînayîşê telefonî ke sey sûcî yenê hesibnayene ra yew merdimê ci yo o bînî zî yewî/e ci rê telefon kerd vat domanê/a felankesî/e dinyaya xo bedilnaye. Nê pêvînayîşî sebebê sûcî nîyê.'' Heyetê mehkeme cezaya 7 serran û 6 mengan daye Makbule Ozbek.

.