Ciwano kurdo ke nêwaşt şoro Lîbya ame kiştene

Qezaya Mabata ya Efrînî de cerganê dewleta tirke ciwanêko kurdo ke nêwaşt şoro Lîbya qetil kerd.

Rêxistina Heqanê Merdiman a Efrîn-Sûrîye pare kerd ke vizêr serê sibayî dewa Mîrkanî ya qezaya Mabata ya Efrînî de meyîtê ciwanê kurdî yê bi nameyê Mihemed Mistefa Yûsif (18) binê gozêrî de ame dîyene.

Goreyê rêxistine tay çimeyanê Efrînî eşkera kerd ke keyeyê Mihemed Mistefayî seba ke cerganê Lîwa Semerqandî dest na keyeyê înan ser neçare mend ke koçê dewa Mîrkanî bikero.

Çimeyan da zanayene ke Mihemed û ciwanê bînî yê bi nameyê Ebdo Şêxo nêwaştê şorê Lîbya û şer bikerê coka ameyê kiştene.