4ê hezîrane roja pancşeme wekîlîya Hemsereka Kongreya Komelê Demokratîkî (KCD) û Wekîla Partîya Demokratîke ya Şaran (HDP) ya Colemêrgî Leyla Guven, û Wekîlê HDPyî yê Amedî Musa Farisogullariyî ameye wardayene û eynî roje her di wekîlî zî ameyî tepiştene.

Walîtîya Colemêrgî seba ke vernîya nêrazîbîyayîşê şarî yê vera hêrîşanê rejîmî bîgêro 5ê hezîrane ra tepîya şaristan de qesê 15 rojan qedexeyê çalakîyan îlan kerd.

Goreyê naye mabênê 5 û 19ê hezîrane de  pêro aktîvîte, çalakî, rayraşîyayîş, nawnayîş, çalakîya roniştişî, akerdişê standana ûsn. ameyî qedexekerdene.